今日番左去覆診，不過呢就見Ｄｒ.Ｊａｍｉｅ，順便睇埋眼仔問題，腸胃方面都ｏｋ，因為飲食都正常番，但係屎屎都係偏細粒，要小心留意住佢，而眼仔呢，滴顯影劑兩邊都塞，咁醫生同佢用綿花敷左陣眼睛，去左ｄ分泌物，咁因為ＣＣ個鹵水Ｐａｔ + 腳板底個餅毛毛 + 屁屁兩邊既毛團都幾厲害，而我平日又唔係幾幫佢清潔得到好乾淨，咁醫生呢就建議同佢做個美容清理毛毛啦，ｇｒｏｏｍｉｎｇ係每１５分鐘咁計，下面呢包毛團（見到佢腳板底餅毛麻），ｇｒｏｏｍ左３０分鐘…而家個屁屁好乾淨，腳底又冇晒死毛呢～

星期六個日朝早起身番工，餵菜同糧比ＣＣ時，發覺佢冇咩反應，對菜同糧都冇興趣，再比車厘子佢，只係哄一哄就走開，但都算精神，休息時會攤長身體，咁我就去番工先，叫媽咪再留意下佢啦，咁到左１１點到，佢都係唔多願食野，咁放工後就趕番屋企，用針筒餵佢飲左少少水，３點鐘就帶佢去大圍睇醫生，今次見既係 Ｄｒ.Ｍａｒｙ，醫生摸到佢個胃好漲，但腸就摸唔到有野塞住，建議我照張ｘｒａｙ，咁照左出來呢，見到個胃漲到好大啦，腸有ｄ屎屎係到，咁同佢吊左皮下水，打左２支針剌激胃腸臑動，仲有ｄ止痛葯同葯水番屋企食，咁發覺佢冇改善唔食野冇屎屎呢，就要立即番去再睇喇。

咁番到屋企，餵左好稀好稀既ｃ.ｃ.，再出去買左ｄ羅馬生菜、油墨菜，到夜晚呢，ＣＣ開始肯食幾口菜喇，都安心Ｄ，再夜ｄ１１點到，就開始有少少屎屎，雖然ｓｉｚｅ好細，但總算鬆一口氣

咬咬咬，咬屎你條毛毛蟲～

ｍｏｕｓｓｅ唔笑．笑．都咁可愛呢～

車厘子真係好好味呀～～

ＣＣ：食車厘子食到個咀仔紅卜卜，等我洗乾淨個咀仔先～

呢位小朋友，我未出世，己經成為左我地屋企一份子，唔經唔覺，三十幾年喇～　

早前曾被天父召喚回家，不過佢唔捨得呢個住左三十幾年既屋企，唔捨得佢既屋企人，堅持多留在凡間一會兒，不過，今日，最終都係回到天父既身邊喇～

Ｌｕｃｋｙ，ｗｅ　ｍｉｓｓ　ｙｏｕ　ａｌｗａｙｓ～

ＲＩＰ

阿仔，你咁樣訓舒服架咩？個ｐａｔｐａｔ　“ｌｏｎｇ”起左喎～

家姐仔真係好靚女，尤其是笑到咪咪眼咁，真係好得人鐘意呀～

整左個紙皮盒比ＣＣ，佢哩左入去再伸個頭出黎食菜菜，好似隻蝸牛咁呢～